Home »

[Madan Azibé]

Ayiti

Si'w wè jodi'm vini

se sijè'w ke'm chwazi

se paske map soufri

si'w wè ke melodie

wap tande yon jan tris

se konsa mwen santi'm

mwen la devan'w cheri

m'ape gade'w kap depafini

mwen pa ka menm itil

chagrin tristès met ak remo

pou yo finn ak lavi'm

alo'm pran plume

pou'm ekri'w ekri'w

pou'm mande'w padon

Mande'w padon

pou kou ak kalòt frè-m yo ba ou

padone yo ti chou

pou rad ou yo chire

pou kay ou yo maltrete

yo fè sa san panse

anmwe

mwen ta rele, rele anmwe

kilès ki pral koute'm

pou vin delivre'm

se sèl detwa ti mo, mwen ka pote

sou yon ti bout papye

pou'm di'w ke mwen dezole

kwè mwen, mwen dezole se vre

Yon ti chante pou ayiti

poum di l' m santi sal santi

yon ti chante pou ayiti pou m dil m'avèk li

O ayiti ! konsyans mwen fè

ke mwen pa ka lagew

avèw ma va lite

o wi! o wi!

bri a va kouri

nouvèl la va gaye

lè sa tout ayisyen ansan-m

a mete men nan men

pou n'fè yon sèl chimen

mesaj la va pase

lè na libere, ya tande

fos nou nan linion'l ye

nan linion, nan linion, nan linion

nan linion li ye

Mwen pap ka rete

papye a finn mouye

vizyon m'trouble

o non! male

siyen nou 2

Yon ti chante, pou ayiti

yon ti limyè, pou ayiti

yon ti priyè,pou ayiti

yon ti pitye, pou ayiti