Home »

[jafrikayiti]

Apre anpil eksperyans nanchon an fè nan mete konfyans li nan moun ki pa gen anyen arevwa ak eksperyans pa li, antan k pitit Lafrik Ginen ki te goumen kase chenn lesklavaj anba grif kolon ewopeyen sou kontinan Lamerik lan; li lè li tan pou nou tout Ayisyen reyalize se nan noumenm tout solisyon pwoblèm peyi nou chita.

Sa pa vle di nou pa sètoblije demele l nou pou nou woule anba lenmi istorik nou yo, ki pap janm rete konsa yo disparèt. Men sa vle di, Ayisyen ki konprann pou kisa Tonton Nwèl pa sanble ak yo, ni pa pale Kreyòl, dwe sispann espere jwenn sekou nan men Tonton Nwèl, nan moman malè ap vizite kay li.

Nou se yon pèp ki konn fè rezistans ! Nou se yon pèp ki gen fyèl. Nou se yon pèp ki ka fè mèvèy lè nou mete fòs kouray nou ansanm, lè youn fè lòt konfyans. Lè nou pran tan voye je gade egzanp zansèt nou yo kite pou nou sou chimen listwa n.

Lè sa a, lè nou rekonèt kijan tout bon vre, se depi nan Ginen bon Nèg ap ede Nèg. Se lè sa a tou nou retire nanm nou nan boutèy, nou rekonèt ki moun nou ye. Nou rekonèt manman nou ak papa nou. Nou rekonèt sous pouvwa nou, ki chita nan linite yon sèl kòd fanmi.

Mèsi Papa Dessalines !

[Marc Henri]

Oné jafri sa fe lontan nou pa palé. koman ou yé mo fre guinen. mwen ap fete 5 rekote kafe sou fowom haitiwebs et mwen pwofité invité bwé on ti gogue avek mwen, En tout cas, cela me rappelle pas de mal de souvenirs sur ce forum.

kimbé red pa moli, pigay ou bay zot leu gin

[ania]

Ayiti se pou Ayisien zafe egare yo ki pa konen sa ki ap kite lot pran li nan main nou , zafe lot ki ap pete je bel ti peyi sa se le ou pa ladan li ou konen jan li te bon pou.

Ayisyen se nou ki lespwa peyi a se pa nou ki pou ap tuye li. Pokisa nou pas vle mete men nou ensamble pou nou deffendre li pou nou fe li bel pou nou fe li vini pel li te ye an. Lipa trop ta pou nou fe meveil sa anko. An nou investi nan nan ti peyi an, nan besoin premiere et surtout nan edikasyon ki vraiment important pas que si nou te eduke genyen anbil bagay bet nou pa ta fe. An nou mete men enssmble tankou devise nou di pou nou ka vin bel kom avan se pas zot ki ap fe pou nou se nou ki pou fe pou tet nou

VIV Ayiti, Viv edikasyon

[jafrikayiti]

Onè Marc-Henri ! Mèsi Ania !

Mwen kontan fè yon retounen sou Haitiwebs sitou mwen remake lakou a gen bèl pase men ki fèt ladan li. Fowòm nan banda seryezman.

Se domaj anpil nan enkyetid nou te genyen lè nou t ap gade preparasyon koudeta sa a ansanm ane ki sot pase yo, tounen reyalite k ap pete je nou jounen jodi a. Se domaj anpil frè ak sè nou yo te refize pran tan chita pale antreyo, se nan fouk kolon yo te pito ap fè laviwonndede, konplote so kabrit ki pa janm ede okenn peyi evolye.

Jounen jodi a, blan an sèl otorite nan peyi nou epi noumenm se wè nou wè n ap delala.

Men, mwen rete kwè Ayisyen se pèp ki konn fè rezistans. Nou pase anpil move maladi. N ap reziste depi sou kontinan Lafrik. Nou siviv plan jenosid Napoleyon ak Rochambeau. Kidonk, mwen rete kwè, fanm ak gason Ayisyen ap bouske chimen libète jouk yo jwenn li. Se vre libète sa a fòk nou jwenn li nan sèvo nou anvan nou ka konsevwa li nan lavi nou youn ak lòt. Men, lesansyèl sèke youn kontinye bay lòt lebra. Epi ti pa ti pa, zonbi ki goute sèl va kase chenn plantasyon sa a zòt soti pou li bati nan Ayiti nou an, gwo sezon 2004 sa a.

Respè fanmi m yo !