Home »

Msye nou se fotokopi gwoup politisyen rekalsitran yo, mwen rele nou

entèlèktyèl rekalsitran. Nou di se negosiyasyon ki pou resoud kriz la, pèp

Ayisyen an bay rezilta kriz la deja nan eleksyon 21 me yo, lè li vote "

FANMI LAVALAS, LAVALASEMAN ". Nou fè konnen se yon gouvèman kanson fè ki an

Ayiti, se yon bagay ki fè moun ri, paske nou pran pòz nou pa konnen sa

kanson fè vle di, ale mande " PAPA DOC ", si se yon gouvèman kanson fè ki an

Ayiti, kouman nou fè nou ekri bagay nou ekri a e nou pibliye li.

Dènyèman mwen tap pale avèk yon swadizan entèlèktyèl, msye fè mwen

konnen: ki moun kivote pou Pati Aristide la, se yon bann moun ki pa konprann

anyen, se yon bann moun sòt. Mwen di msye: sak lakòz moun sa yopa konprann

anyen e sak kòz yosòt, msye di mwen li pa responsab, mwen di msye se nou mem

gwoup entèlèktyèl sa yo ki kòz pèp la nan tout pwoblèm sa, paske nou pa

itilize entèlèk nou pou nou edike pèp la, men nou prefere fè vye politik. E

byen msye sise konsa nap fè politik nan peyi Dayiti,nou fèk kare ap pran baf

nan men pèp Ayisyen an, e nou fèk kare ap kriye aprè eleksyon. Nou gentan

ap fè konnen ke se magouye gouvèman sa ap prepare pou li plase msye Aristide

sou pouvwa. Sa fè mwen ri, paske nou gen lè kache entèlijans nou nan pòch

dèyè. Tout etranje konnen, malgre magouye yo fè avèk nou pou yo desann

popilarite msye Aristide, YO PA KAPAB.

Letranje konnen, tout lidè politik konnen e noumem tou gwoup entèlèktyèl

nou konnen e tout mas pèp Ayisyen an Ayiti e a letranje konnen ke msye

Aristide est le future président du pays, ale mande panzouyis msye Marc L.

Bazin ( iwoni ). " Le genie n'a qu'un siècle ".

Nap mande pou prezidan Préval avèk tout gouvèman an rache manyòk yo,

men se entèlèktyèl nou ye nou pa konpran ke msye Préval a été elu par le

peuple pour cinq ans, se sèl eleksyon ki kapab retire msye sou pouvwa a.

Men yon defi ke mwen bannou, mwen sipliye nou, nou mèt mete tèt nou ansamn

chwazi yon kandida pou eleksyon prezidansyèl 26 Novanm 2000 yo, msye

Aristide ap bat nou plakouti. Nou sonje eleksyon 16 Desamn 1990 yo ke msye

Aristide te eli avèk plis pase 67% de vòt, fwa sa bagay yo pral pi grav,

msye ap Aristide ap bat tou lidè ki prezante nan eleksyon sa avèk yon

pouzantaj tèlman wo, se nan lespas lòt lidè sa yo pral rekonèt yo. Mwen

konnen kòm dabitid, noupral di se magouye, ale mande ankò panzouyis msye

Marc L. Bazin ( iwoni ).

Msye, nou di se entèlèktyèl nou ye, mwen respektesa, men nou sipoze

itilize entèlijans nou pou nou ede pèp la, pèp ki analfabè e ki pa bèt,

paske travay pou nou ta fè koulye a se edike pèp, pa mistifye li, paske pèp

sa se pi gwo entèlèktyèl ki ganyen paske li itilize entèlijans li 365 jou ke

BONDYE mete sou latè chak segond, chak minit e chak lè.. Msye pèp la vote "

FANMI LAVALAS, LAVALASEMAN ", lè msye sa yo antre nan chamn nan, si yo pa

regle anyen pou pèp la, pèp sa ap voye yo tout nan poubèl litwa, alemande

LOPL eksetera.., pèp la ap bayo monnen pyès yo. Wi msye pèp la itilize

entèlijans li, tankou yon vrè entèlèktyèl ta dwe.

Travay nou koulye a msye entèlèktyèl se ta pou nou reevalye entèlijans

nou pou nou itilize li nan avantaj pèp la. Pati FANMI LAVALAS ouvè pòt li

pou dyalòg, itilize entèlijans nou ale nan dyalòg avèk na wè si se tronpe

yap tronpe moun, avèk sa na jwen sa pou nou jwen.

Nap mande:

Gouvèman Koalisyon

Gouvèman SAli Piblik

Gouvèman Konsansus

Gouvèman Konsèy Deta

peyi Dayiti fè tout esperyan sa yoi deja. Jan mwen di nou an ale reevalye

entèlijans nou.

" Un intellectuel doit utiliser son intelligence pour servir son pays "

AYIBOBO...

A suivre.

Fed Cameau Dosmas fils

Sosyal Wòkè, powèt, pawolye, dramatij.