Home »

[capoislamort]

Subject:Rale chez anba bouda yo

Mezanmi, larouze taye banda

toutotan soley pa leve.

Neg van-yan, Fanm van-yan

Le ya rive pou nou rale chez

anba bounda tout sa yo

ki vini pale nou de eleksyon.

Aba Valdez-Aba minista

Aba eleksyon-okipasyon.

Ekri sa sou tout miray potoprins,

sou tout poto elektrik Jakmel

depi miragwan jouk gonayiv

depi wanamint jouk Pilbowo.

Aba Valdez-Aba minista

Aba eleksyon-okipasyon.

Ce you gazet pou-n kloure

sou tout pyebwa nan Mapou sou tout Foredepin.

Se you trak pou nou simin

nan tout mache riral Grandans

sou tout wout Leogan-Difo.

Aba Valdez-Aba minista

Aba eleksyon-okipasyon.

Na fe ti kannot papye ak li

pou ti moun jwe

nan tout Letan Somat.

Na vlope pwev ak li

pou kwizinye ki jwinn-li

konn sa ki nan tyo machann kenkay.

Aba Valdez-aba minista

Aba eleksyon-okipasyon

zot poko janm kon-nin

kiles yo rele nou.

Nou fe kat nou paske

li rele "wa bezwin".

Min ale vote, ce bliye sa.

Si nou rive fe sa konsa-

et nou kapab fe sa-

Ce premye souflet nou fout zot

sou chimin liberasyon pays dayiti.

Min si nou kite zot fe sa li vle ak pays-ya,

Ce pitit nou ak pitit-pitit nou ki pral soufri 10fwa plis

pou 50 ans ki va vini yo.

En nou rive reve/ En nou reve rive/

Pou Haiti bouke drive!

An nou touye la ront

Pou la ront pa touye nou!

Sel fos nou, ce pep-la/

Sel pep-la, ce fos nou!

(Nou prete langay felix-Morisseau Leroy,nationalis haitien)

MOUVMAN 5R

N.B. Voye teks la bay chak militer haitien,chak peyizan ki pa ka travay,chak bel negues kreyol kap monte you maswife anba kidnaper,chak fanmi ki pa ka manje,chak ouvriye ki we ce zot nan peyi mexico ak Sain doming kap fe travay ki te dwe fet nan peyi dayiti,chak elev lekol ki pa we kouman demin pral miyor, chak malere ak malerez ki bouke bat dlo pou fe ber, ki bouke fe san soti nan roch, chak fanmi, chak zanmi ki pa ka konnin si li ap we demin.

Nou pap vote ni ak min ni ak pye.Selman gri-yin li ba yo!

MOUVMAN 5R

http://groups.yahoo.com/group/5rgroup/join